nanbendaa...

                                                           நண்பன்...


             *என் மரியாதைக்குரியவன்...


             *என்னிடம் மரியாதையை எதிர்பார்க்காதவன்...


             *எனக்கு இரண்டாம் ரசிகன்...
                ஆனால் முதல் விமர்சகன்...

             *என்னிடமிருந்து என்னாலும்
                 பிரிக்க முடியாத என்னுடைய 
                  மிக முக்கியமான அசையும் சொத்து...


             *என்னிடம் மட்டுமல்ல...
                 என்னைப்பற்றியும் அதிகம் பேசுபவன்...


             *என் உணர்சிகளுக்கும் உண்மைக்கும் 
                 உறங்காது தோள் கொடுப்பவன்...


             *என் பலமானவன்...
                 என்னுள் பலவீனமானவன்...


             *என் காதலியைவிட நிறைகளையும் 
                  மனைவியைவிட குறைகளையும் அறிந்தவன்...


             *நண்பா! பழகிய காதலுக்காக  கவிதைகளும் கல்லறைகளும் பேசலாம்..
                  காதலுக்காக உயிரையும் இழக்கலாம் என்று...
      
              *ஆனால் பார்க்காத நண்பனுக்காக வடக்கிருந்து 
                     உயிர் விட்ட இலக்கியமே சொல்கிறது...


                * ஒரு உண்மையான நட்பிற்காக 
                         எந்த காதலையும் இழக்கலாம் என்று...


  

ithu kavithaialla

                                                இது க(வி)தையல்ல...

*எத்தனை நாள் மறைக்க முடியும்...

      உன்னையும் உன்னுள்
   ஒளிந்திருக்கும் என்னையும்...

 *இப்பொழுது வேண்டுமானால் நீ 

       என்னை மறந்துவிட்டதாய் 

           நடித்துகொண்டிருக்கலாம்...

            ஆனாலும் நீ என்னை 

                  நினைப்பதே இல்லையென
                     நிச்சயமாய் என் கண் பார்த்து
  உன்னால் சொல்ல முடியுமா?...


*எத்தனையோ நாட்கள் உன்
     வார்த்தைகளால் நான்
         கண்ணீரில் நனைந்து இருக்கிறேன்...

           ஆனாலும் இன்றுவரையில் நீ 

               ஏற்படுத்திய காயங்களே 

  எனக்கு மருந்துதான்..  

*என்னுடைய உணர்வுகளை நீ 

    எத்தனையோ முறை 

       உதாசீனப்படுத்தி இருக்கிறாய்...

  அதனால்தான் 

    என்னால் இன்று மற்றவர்களின் 

       உணர்வுகளை படிக்க முடிகிறது...

         என்னின் உணர்ச்சியையும் 

            உயிரோடு என்னால் 

  உறங்க வைக்க முடிகிறது...

*கடைசி வரையில் நீ 

     என்னை சரியாகவே புரிந்து கொள்ளவில்லை...

  அதனால்தான் என்னால் 

     இன்று எல்லோரையுமே 

  சரியாய் புரிந்து கொள்ள முடிகிறது...

*இன்றுவரையில் எனக்கு 

     உன் மீது கோபமே இல்லை...

  ஆனாலும் நான் உனக்கு கடமைப்பட்டிருக்கிறேன்...

*நேசிப்பது பலவீனம் 

       மற்றவர்களால் நேசிக்கபடுவதுதான்

          பலமென்று நீதான் எனக்கு 

  உணரவைத்தாய்...

*நீ என்மீது செலுத்திய 

     அந்த வெறுப்புகள்தான் 

        இன்று எல்லோருமே 

  என்னை நேசிக்க காரணம்...

  உன் வெறுப்புகள்தான் 

     என்னை மற்றவர்கள் எப்போதுமே      

        நேசிக்க வேண்டும் 

  என்று பாடம் கற்றுதந்தது...

*நீ வேண்டுமானால் 

     நினைத்துக்கொண்டிருக்கலாம்...

        நம்முள் யுத்தம் முடியும் ஒவ்வொரு 

           வேளையிலும் நானே விட்டுகொடுப்பதால் 

  தோற்றுப்போய்விட்டேனென்று...

  ஆனாலும் தோற்றது மட்டும்தான் நான்...

     ஒவ்வொரு முறையும் 

        நீதான் என்னால் 

  தோற்கடிக்கபட்டிருக்கிறாய்...

*நான் உன்னிடம் 

    இழந்ததென்னவோ என் 

       பிடிவாதத்தை மட்டும்தான்...

  ஆனால் நீ உன் பிடிவாதத்தால் 

  என்னை அல்லவா இழந்துவிட்டாய்...

*நான் உன்னோடு மட்டுமே 

    கனவுகளை 

      வளர்த்துக்கொண்டு உன்னை 

         நேசிக்கவில்லை...

  உன்னைப்பற்றியும் என்னுள் 

  கனவுகள் ஏராளம் உண்டு...

*உண்மையைச் சொல்ல வேண்டுமென்றால்

     உன்னிடம் ஜெயிக்க 

       என்றுமே ஆசைப்பட்டதில்லை...

  ஆனால் உன் வாழ்க்கையில்

     என்றாவது ஒருநாள் 

         என் அன்பை 

             இழந்து போனதற்காக 

  நிச்சயம் அழுவாய்...

  அன்று உன்னை நான் கண்டிப்பாய் ஜெயிப்பேன் ...         

  

ematram

                                                      (ஏ)மாற்றம்...

*கால் நூற்றாண்டுக்கு முன்னால் 

  கலவரத்தில் ஓடிப்போன நான் 

   நேற்றுதான் ஊருக்கு திரும்பினேன்...

*ஊராட்சி நகராட்சியாய்

  இனிதாய் வரவேற்றது...

*ஒத்தையடி பாதையில் இன்று 

  ஓராயிரம் வாகனங்கள்...

*மண் குடிசை இடத்திலெல்லாம் 

  மாடமாளிகைகள்...

*நடந்து சென்ற இடதிற்கும்கூட இன்று 

  நகர பேருந்துகள்...

*அதிசயமாய் ஆங்காங்கே சில 

  வேட்டி சேலைகள்...

*கட்டிடங்களுக்கு போட்டியாய்

  நிறைய கட்சி கம்பங்கள்...

*கலையை வளர்க்கவும் 

  கண்காட்சிக்கூடங்கள்...

*புன்னகையாய் பூக்களின் பூங்கா...

*அரங்கமெல்லாம் ஆரவாரமாய்

   அரசியல் வசனங்கள்...

*இரவையும் பகலாய் மாற்ற

  தெரு விளக்குகள்...

*துவக்கப்பள்ளி வளர்ந்து 

  மகளிர் கல்லூரி...

*இளமையோடு வெள்ளம் 

  இல்லாமல் நடைபோடும் ஆறு...

*மனமெல்லாம் பூரிப்பு...

  மாறிப்போன ஊரைப் பார்த்து ...

*மறுநாள் மூலைச்சிலைக்கு 

  சிறிதாய் மூக்குடைந்து போனதால் 

  எரிக்கப்பட்டன ஏழெட்டு கடைகள் ...

*துப்பாக்கி குண்டுக்கு பலியாகிப்போயின...

  சில அப்பாவி  உயிர்கள்...

kathalenbathu...

                                                      காதலென்பது...

                                   *என்னுள் விழுந்த மின்னல் நீ...

                                     என்றும் மழையை தந்ததில்லை...

                                              அந்த மழையில் ஒருநாளும்

                                               நான் நனைந்ததில்லை...

                                    *நீயொரு தென்றல்தான்..

                                     ஆனால் எந்நாளும் நீ 

                                     தாலாட்டாய் வீசியதில்லை...

                                               அத்தாலாட்டில் ஒரு நாளும்

                                               கண்மூடி நான் உறங்கியதில்லை...

                                     *நீயொரு மரபு மீறாத 

                                       புதுக்கவிதை...

                                             இந்த கவிதையின்

                                             பொருள்தான் இன்றுவரை 

                                             எனக்குப் புரியவில்லை...

                                    *உன் முகம் 

                                      அழகான ஓவியம்தான்...

                                            இந்த ஓவியம் காட்டும்

                                            உணர்ச்சியைதான்

                                           இன்றுவரையில் என்னால் 

                                           படிக்கவே முடியவில்லை...

                                   *நீயொரு வாசம் வீசும் 

                                     வாடாத மலர்...

                                          எனக்குதான் இதுவரையில் 

                                          வாசம் தந்ததேயில்லை...

                                   *உன் பேச்சு இனிமையான 

                                     சங்கீதம்தான்...

                                         என் இதயத்தின் ஓசையை 

                                        அது ஒருநாளும் 

                                        பிரதிபலித்ததில்லை...

                                  *உன் இதயத்துடிப்பின் 

                                    ஓசையில் என் எண்ண அலைகள் 

                                    எப்பொழுதுமே வெளிப்பட்டதேயில்லை...

                                  *உன் கண்கள் பேசிய 

                                   அந்த மௌன மொழியை

                                   கடைசிவரையிலும் 

                                   என்னால் கண்டுபிடிக்கவே 

                                   முடியவில்லை...

            

                                  *ஆயினும் 

                                     மன்னித்துவிடு என்னை...

                                    உன்னை வெறுக்கத் தெரியவில்லை...

                                  *இன்றுவரையில் 

                                    நாம் பழகிய நாட்களை 

                                    நான் மறக்கவும் பழகவில்லை...

nimmathi...

                                                                        நிம்மதி...

*இரவு ஊடலினால் உறங்காமல் கண் எரிச்சல்...

*காலையில் விழித்ததென்னவோ

   கடன் கொடுத்தவன் முகத்தில்...

*உதட்டோடு  உபசரிப்பு...

*உப்பில்லாத உப்புமா...

*பேருந்து பயணத்தில் வெடிகுண்டு பீதி...

*மறந்து போன பைலுக்கு மறக்க கூடாத வசவுகள்...

*மதிய நேரத்து மரத்தடி கிசுகிசுக்கள்...

*மாலை நேரத்துச் செலவுக்கு காலியாகிப்போன மணிபர்ஸ்...

*மனபாரம் நீங்க தெய்வம் முன் நிற்கும் போது

மனதின் மூலையில் மறுபடி மறுபடிகேள்வியாய் அரிக்கும்...

வாசலிலே அனாதையாய் விட்டிருக்கும் 

காவல் இல்லாத மிதியடி...

vaimai enapaduvathu yathenil...

                                    வாய்மை எனப்படுவது யாதெனில்...

*சில்லறை கொடுக்க மட்டுமே 

        மறந்து போகும் நடத்துனர்...

*காலையில் மறந்து போக 

       இரவில் கணவன் செய்யும் சத்தியம்...

*மனைவி மறைக்கும் 

      கருப்பு பண கணக்குகள்...

*கல்லூரி கட்டணம் உயர்த்தி 

      திரைப்படம் பார்க்கும் மகன்...

*அலுவலக விடுப்பில் அடிக்கடி 

      இறந்து போகும் இல்லாத பாட்டி...

*தர்மம் கேட்கும் போது 

      மட்டுமே தட்டுப்படாத சில்லறை...

*கடன் கேட்கும் போது 

      மட்டுமே காலியாகத் தோன்றும் மணிபர்ஸ்...

*அரசியல்வாதியின் 

      தேர்தல் நேர வாக்குறுதிகள்...

*தேர்தல் நேர 

      திடீர் கூட்டணிகள்...

*பேரணிக்காக காட்டப்படும்

       மக்களின் எண்ணிக்கை...

*மாநாட்டில் வசூலிக்கப்படும் 

      கட்சி நிதி கணக்கு...

*பதிவானதாக காட்டப்படும் 

      இறந்து போனவரின் வாக்கு...

*திருமணத்திற்கு முன் காதலியைப் 

      பற்றிய காதலனின் வர்ணனைகள்...

*ஜவுளிக்கடையில் வழங்கப்படும் 

      தள்ளுபடி விற்பனை...

*சிகரெட் பெட்டியின்

      எச்சரிக்கை வாசகம்...

*நிதி நிறுவனங்களின் 

      கவர்ச்சி வட்டி விகிதம்...

*குடும்ப அட்டையில் உள்ள 

       உறுப்பினர்களின் எண்ணிக்கை...

*ரேஷன் கடைகளில் 

       வழங்கப்படும் பொருளின் நிறை...

*தொலைக்காட்சி விளம்பரங்களின் 

       பளீர் வெண்மை...

*வருமான அதிகாரிகள் 

       வரும்போது மட்டுமே வரும் திடீர் நெஞ்சு வலி...

*ஆட்டோ மீட்டர் காட்டும்

       சரியான கட்டணம்...

*தெரிந்தவரைப் பார்த்தவுடன் 

       பேருந்தில் வரும் திடீர் உறக்கம்...

*எப்பொழுதுமே ஏறாமல் 

       இருக்கும் நடிகையின் வயது...

mangaiyarai pirapatharke

                                              மங்கையராய்ப்  பிறப்பதற்கே...

  கரு முதல் கல்லறை வரை...

*கருவாய் இருக்கும்போதே காட்டிக்கொடுக்கப்பட்டால்

       நீ கலைக்கப்படலாம்...

*தவறிப்  பிறந்தாலும் தாய்ப்பாலாய் உனக்கு 

       கள்ளிப்பால் கொடுக்கப்படலாம்...

*உயிரை பறிக்க உணவாய் உனக்கு
        நெல்மணி தரப்படலாம்...


*உறவை முடித்து வைக்க சிலநேரம் நீ
         உயிரோடும் புதைக்கப்படலாம்...


*அரசுத்திட்டம் போலவே அரசுத்தொட்டிலிலும்
         அவசரமாய் நீ அடக்கம் செய்யப்படலாம்...

*நீ பிறந்த நேரத்தில் சில நோயாளிப்பெருசுகள்

         இறந்தாலும் இராசி இல்லாதவள் 

          அதிர்ஷ்டம் கெட்டவள் என  அடுக்கடுக்காய் 

         உனக்கு பெயர்கள் சூட்டப்படலாம்...

*உலகமென்பது உனக்கு உன் வீட்டு சமயலறையாய்

         மட்டுமே மாற்றப்படலாம்...

*பள்ளிப்படிப்பும் கூட உன் வீட்டுப்படியோடு 

        முடிக்கப்படலாம்...

*அடிமையாய் நடக்கப்பழகுமாறு உனக்கு 

        அடிப்படைக்கல்வி கற்றுத்தரப்படலாம்...

*அடங்கிநடப்பதே அன்பென்று உனக்கு

        அறிவுறுத்தப்படலாம்...

*நீ பேசுவதும் சிரிப்பதும் கூட 

        குற்றமென்று உனக்கு சட்டமாக்கப்படலாம்...

*மாப்பிள்ளை பார்க்கும் நாடகமும் அவசரமாய் 

        உனக்கு அரங்கேற்றம் செய்யப்படலாம்...

*உன் மௌனத்தைக்கூட சம்மதமென நினைத்து 

       கட்டாய கணவன் உனக்கு கல்யாணத்தில் வரலாம்...

*கோவலக் கணவனுக்கும் கண்ணகியாய் நடக்க நீ 

       தண்டிக்கப்படலாம்...

*உன் உரிமைக்காக நீ எதிர்க்கும் போது

       மண்ணெண்ணெய் சிலநேரம் உன்னையும் எரிக்கலாம்...

*சட்டங்கள் உன் விஷயத்தில் மட்டும் ஏனோ 

       சத்தியம் மீறலாம்...

*உன் கொலை என்பது பல நேரம் 

       தற்கொலையாய் நிறம் மாறலாம்...

*காவல் நிலையங்களில்கூட 

       உன் கற்பு களவாடப்படலாம்...

*இழந்த கற்புக்கும் விலையாய் நீ விலைமாதாய்

       விளம்பரம் செய்யப்படலாம்...

*ஆகையால் இனிமேலாவது யாரும் 

      மங்கையராய்ப் பிறப்பதற்காக மறந்தேனும் 

       மாதவம் செய்ய வேண்டாம்... 

amuthavisham

 

   அமுதவிஷம்...
1
*நீ ரொம்பவும் அதிர்ஷ்டசாலியாம்...

       நிறையபேர் பொறாமைபடுகிறார்கள் ...

. ஆனால் எனக்கு மட்டும்தான் தெரியும்...

       நான் எவ்வளவு துரதிர்ஷடசாலி என்று ...

2

*எனக்கு உன் காதலும் தெரியும்...

       உன் வலியும் புரியும்...

   உனக்கு என் காதலும் புரியாது...

        என் வலியும் புரியாது...

3

*உனக்கும் ஆயிரம் பேர் கிடைக்கலாம்...

       எனக்கும் ஆயிரம் பேர் கிடைக்கலாம்...

  ஆனால்   எனக்கு நீயும் உனக்கு நானும் 

       கிடைத்தால் அதுதான் நம் வாழ்க்கை...

4

*நம் கடைசி சந்திப்பில் உன் கண்களும் 

        அந்த மௌனமும் காட்டிகொடுத்துவிட்டது...

  உனக்கு மறுக்க தெரியவில்லை...

         மறைக்கவும் தெரியவில்லை...

  எனக்கு வெறுக்க தெரியவில்லை...

          விலக புரியவில்லை...

5

*நீ என் உணர்வுகளை நேசித்தாய்...

        நான் உன் உணர்வுகளை மதித்தேன்...

  உறவுகள் நம்மை எதிர்க்கிறார்கள்...

         என்ன செய்வது?

  காதலுக்கு மட்டும் இன்னும்

          மரியாதை கிடைக்கவே இல்லை...

6

*உன்  காதலும் உண்மைதான்...

   என் காதலும் உண்மைதான்...

   இங்கே நாம் மட்டும்தான் பொய்...

7

*நீ உன் பாசத்திற்காக காதலை

         தியாகம் செய்துவிட்டாய்...

  நான் என் காதலுக்காக காதலியை 

           மட்டும் தியாகம் செய்துவிட்டேன்...

  ஆனால் ஒரு உண்மையான அன்பை 

          எந்த விலைக்கும் வாங்க முடியாது...

8

*காலம் என்பதென்னவோ நல்ல மருந்துதான்...

   ஆனால் காயங்கள் போதுமடி எனக்கு...

9

*என்னுள் எப்போதும் வலித்துக்கொண்டே இருப்பதால் 

       நான் காதலையே வெறுக்கிறேன்...

  ஆனாலும் ஏனென்று தெரியவில்லை?...

      உன்னை எப்போதுமே காதலித்துக்கொண்டே இருக்கிறேன்...

 10

*நம் இருவருக்குமே சந்தோஷமாக இருக்கவும் தெரியவில்லை...

       சந்தோஷமாக நடிக்கவும் தெரியவில்லை...

  ஆனாலும் நாம் ஒருவரின் சந்தோஷத்திற்காக இன்னொருவர்

        பிரார்த்தனை செய்துகொண்டே இருக்கிறோம்...

11

*நம் இருவரின் பிரிவில் இழப்பென்பது இருவருக்குமேதான்...

  ஏனென்றால் என்னால் மட்டும்தான் உன்னை

       அதிகம் உணர்ந்துகொள்ளவும் முடியும்...

  உன் அருகாமை மட்டும்தான் எனக்கு எப்போதும் சந்தோஷம் தரும்...

12

*நம் காதலை யாராலுமே அழித்துவிட முடியாது...

  ஏனென்றால் என் காதலின் முதல் நினைவுச்சின்னமாய்

         நீ எங்கோ வாழ்ந்து கொண்டிருக்கிறாய்...

   உன் காதலின் கடைசி நினைவுச்சின்னமாய்

         நான் இங்கே  ஜடமாகிவிட்டேன்...

13

*நீ சாகக்கூடாது! என உன்னிடம் சத்தியம் வாங்கி இருக்கிறேன்..

   அதனால் எனக்காகத்தான் நீ உயிரோடிருகிரோய். ,

  உனக்காகவும்  அல்லவா நான் இறந்து கொண்டேயிருக்கிறேன். 

       

1.